خۆپاڵنەر بۆ سەرکەوتن

زۆربەی پێناسەکانی خۆپاڵنەر سەیری ئەوەدەکەن کە چۆن توانای ئەوە دەدۆزیتەوە کە پێویستە بکرێت بەبێ کاریگەری کەسانی تر یان کاریگەرى بارودۆخەکان، خۆ پاڵنەر هاندەری خۆتە بۆ بەردەوام بوون لە پێشکەوتن بەرەو ئامانجێک تەنانەت کاتێک هەست بە تەحەدادەکەیت، ئەمەش پاڵنەرمانە بۆ ئەوەی گەشەکردن و پێشکەوتن لە ژیانماندا.

لێرەدا کۆمەڵێک ئامۆژگاری و هەنگاو دەخەینەڕوو کە یارمەتیت دەدەن بۆ پاڵنانی خۆت و پەرەپێدانی خۆت بۆ سەرکەوتن، بۆ ئەوەی بتوانیت پێشکەوتووبیت و باشتر بە ئامانجەکانت بگەیت.

 

1- بەرپرسیارێتی ژیانت لە ئەستۆبگرە

زۆرجار خۆپاڵنەر قورسە، چونکە لە خۆتەوە سەرچاوەدەگرێت، ئەگەر گرنگی بەو پرسە بنەڕەتیانە نەدەیت کە ڕێگریت لێدەکەن لە پێشکەوتن، ئەوا دەتوانیت پاشەکشەبکەیت لە لۆمەکردنی کەسانی دیکە بۆ شکستەکەت، لە هەندێک حاڵەتدا دەتوانیت پشت ببەستیت لەسەر هۆکارە دەرەکییەکان و هاوڕێیان بۆ پاڵنەر، بەڵام لە کۆتاییدا، تۆ ئەو کەسەی کە دەبێت کارەکە ئەنجام بدات، تۆ ئەو کەسەی کە دەبێت بەرپرسیارێتی ژیانت بگرێتە ئەستۆ.

 

2- هۆکارەکەی بدۆزەرەوە

پێش ئەوەی فێری خۆ پاڵنەر بیت، پێویستە هۆکاری ئەمە بزانیت، پێویستت بە ئامانجێکی ناچارکەر هەیە کە لە شتە مادییەکان یان سەرکەوتن بەسەر پلیکانەکانی پیشەدا تێپەڕێت، بۆچی بۆ نموونە دەتەوێت دوکانی جلوبەرگ بکەیتەوە؟ بۆیە هەمیشە ئامانجەکانت بە مەبەستەکەتەوە ببەستەوە و هەرگیز پاڵنەری خۆت کەم نابیتەوە.

 

3-هەڵسەنگاندنەوە بۆ ئامانجەکانت

ئاگاداربە لە هەر ساتێکدا ئەو بڕیارەی دەیدەیت دەتوانێت ڕەوتی ژیانت بۆ هەمیشە بگۆڕێت، ئەگەر تەرکیزت لەسەر دیدگا و ئامانجەکەت بێت، بەڵام لەگەڵ ئەوەشدا هەست بە ئیلهام ناکەیت، لەوانەیە پێویستت بە بڕیارێک بێت بۆ ئەوەی بە ئاراستەیەکی نوێدا بڕۆن .

کەواتە پلانەکەت بۆ ژیانت هەڵسەنگێنەوە و دوودڵ مەبە لە دروستکردنی ئامانجی نوێ، هەتا پێشکەوتن بەدەست دەهێنیت، لە پێش هەموو کەسێکەوەیت کە هەوڵ نادات.

4- دروستکردنی قەناعەتی بەهێزکەر

تاکە سنوورداربوون لە ژیانماندا ئەو سنووردارکردنانەن کە لەسەر خۆمان دایدەنێین، ئەگەر تۆ پاڵنەری خۆت بە ڕادەی پێویست نەبێت، ئەوە لەبەر یەک هۆکارە ئەویش ئەوەیە کە خۆت وەک کەسێکی پاڵنەری خۆت نابینیت.

بۆیە هەوڵبدە بیروباوەڕی نەرێنی خۆت بگۆڕیت بۆ بیروباوەڕی ئەرێنی بە مەرجدارکردنی عەقڵت و دروستکردنی بیروباوەڕی بەهێز، هەوڵبدە خۆت کۆنتڕۆڵ بکەیت کاتێک بیرکردنەوەیەکی نەرێنی لەبارەی خۆتەوە دەکەیت و ئەم قسەکردنە خود بگۆڕە بەجۆرێک کە پاڵنەرت بێت لەبری ئەوەی ڕێگریت لێبکات.

 

5- فێربوونی باشترین ستراتیجی بەڕێوەبردنی کات

هەندێک جار کلیلی خۆ پاڵنەر بریتییە لە هەبوونی ئەو ئامراز و ستراتیژیانەی کە پێویستن بۆ بەڕێوەبردنی کات، و لە خۆت بپرسە: چۆن کاتەکانت بەڕێوە دەبەیت؟ بەدوای ڕێگایەکدا بگەڕێ بۆ ئەوەی واز لە دواخستن بهێنیت و دەست بکەیت بە پێشکەوتن، وەکو دابەشکردنى کات و شێوازی پلاندانانی خێرا.

 

 

6- دروستکردنی پلانی بازرگانی

تەکنیکەکانی خۆ پاڵنەر دەتوانێت بەدانانى پلانی کردار و نووسینی ئەوەی کە دەتەوێت، پێناسەکردنی ئامانجەکەت و دروستکردنی کۆمەڵێک هەنگاو بۆ یارمەتیدانی تۆ بۆ گەیشتن بە ئامانجەکەت ڕاستەوخۆ بێت. کاتێک پلانەکەت بەڵگەدار کرد، دەتوانیت ئاماژە بەم شتە بکەیتەوە بۆ پاڵنەرێکی زیاتر کاتێک شتەکان لە ڕێگادا سەختدەبن.

 

7- تەماشای سەرکەوتنی کەسانی تر بکە

ڕووکردنە سەر وتەی ئیلهامبەخش بۆ پاڵنەر یان گەڕان بەدوای ڕاهێنەرێک بۆ ئامۆژگاری دەتوانێت یارمەتیتبدات لە ڕێگای سەرکەوتنت.

زیاتر بخوێنەوە دەربارەی ئەو نمونە یان سەرکردە بەناوبانگانەی کە لە بەرچاوت لە پلەى بەرزدان و بزانە چۆن پاڵنەری خۆ بەکاردەهێنن، لەوانەیە بتوانیت هەندێک تەکنیک هەڵبگریت یان هەندێک ئیلهام بەدەستبهێنیت لەکاتی خوێندنەوەی ستراتیژی و خەباتەکانیان.