دەزانى سوودەکانى زەیتی سروشتی لیمۆ بۆ پێست چەند زۆرە؟

 

ڕێچکەکانی زەیتی لیمۆی سروشتی کە تایبەتمەندە بە سوودە زۆرەکانی و ئەمەش وایکردووە لە ژمارەیەکی زۆر لە ڕێچکەدا بەکاربێت، بۆ پێست و قژ و کاڵکردنەوەى شوێنە هەستیارەکان بەکاردێت، هەروەها ڕۆڵی هەیە لە ڕزگاربوون لە کێشى زیادە .هەموو ئەمانە بەکارهێنانی زەیتی لیمۆن، کە لە توێکڵی میوەی لیمۆکە دەردەهێنرێت، وە دەبێت دڵنیابە لەکاتی بەکارهێنانی هەریەکێک لە زەیتە سروشتییەکان، دڵنیابە لەوەی کە لە سەرچاوەیەکی متمانەپێکراوەوە بەدەستیان دەهێنیت، بۆ ئەوەی باشترینسوودى لێ ببینى...

ڕێچکەی زەیتی سروشتی لیمۆ

زەیتی لیمۆ یارمەتیدەرە لە چارەسەرکردنی چەند گرفتێکی پێست، ئەمەش بەهۆی بوونی ماددە خۆراکییە گرنگەکانی وەک ڤیتامین سی کە گرنگە لە بەرەنگاربوونەوەی نیشانەکانی پیربوون، و کە ڕۆڵی هەیە لە بچووکردنەوەى کونیلەکانی پێست، لەنێویاندا:

دواکەوتنی نیشانەکانی پیربوون بە بەکارهێنانی زەیتی لیمۆ

ڕزگاربوون لە چرچ و لۆچی خەونێکە کە هەموو خانمان خەونی پێوە دەبینن، بەو پێیەی زۆرترین دوژمنی جوانییان دەرکەوتنی چرچ و لۆچی و هێڵی وردە لەسەر ڕوخساریان، هەربۆیە گرنگی بەکارهێنانی زەیتی سروشتی لیمۆ بۆ ئەوەی پێست گەنجتر دەربکەوێت.

سوودی زەیتی لیمۆ لە شێوازی بەکارهێنانیدایە لەگەڵ خواردنی و ئەمەش بەشێوەیەکی گەورە و کاریگەرتر لەسەر پێست ڕەنگ دەداتەوە و تەنها ئەوەی بکرێت ئەوەیە کە بڕێکی یەکسان لە زەیتی زەیتون و زەیتی لیمۆ تێکەڵ بکرێت و کوپێک ئاوی بخورێتەوە.

ڕێچکەی زەیتی لیمۆ بۆ کشانى پێست

زەیتی لیمۆ بۆ چارەسەرکردنی کێشەی کشانى پێست(سێلولیت) بەکاردێت، کە کاریگەری لەسەر ناوچە تایبەتەکانی لەش دەبێت لە ئەنجامی دروستبوونی چەوری لە ژێر چینەکانی پێستدا.

ڕێچکەی زەیتی لیمۆ بۆ کشانى پێست دەتوانرێت کورت بکرێتەوە کە زەیتی لیمۆی بنەڕەتی لەگەڵ زەیتی زەیتون یان زەیتی گوێزی هیندی تێکەڵ دەکرێت و ئەو شوێنەی کە کشاوە مەساج پێدەکرێت.

زەیتی سروشتی لیمۆ بۆ چارەسەری خاڵی ڕەش

زەیتی سروشتی لیمۆ بە توانای لابردنی چەوری زیادە لە پێستدا جیا دەکرێتەوە، ئەمەش ئەگەری دروستبوونی خاڵی ڕەش کەمدەکاتەوە، دەتوانرێت بە زەیتی لیمۆ ماسکێک دروست بکرێت بۆ ڕزگاربوون لە خاڵی ڕەش بە جێبەجێکردنی ئەم هەنگاوانە:

• پێویستە ئاگاداری ئەوە بێت سەرەتا حەمامێکی هەڵمی لەسەر دەموچاو ئەنجام بدرێت و بە شێوەیەکی دروست، بۆ ئەوەی کونیلەکانی دەموچاو بکرێنەوە.

• یەک کەوچک سۆدەی نان لەگەڵ دوو دڵۆپ زەیتی لیمۆ تێکەڵ بکە، تا هەویرێکی یەکگرتوو بەدەست دەهێنیت.

• ئەم تێکەڵەیە بخەرە سەر ئەو شوێنەی کە زۆرجار خاڵی ڕەشی تێدا دەردەکەوێت، کە لە ناوچەی لووتدایە، لە نێوان برۆکان و لەسەر چەناگە.

• ئەم تێکەڵەیە بۆ ماوەی ١٠ خولەک لەسەر دەموچاو بهێڵەرەوە.

• ماسکەکە بە ئاوی شلەتێن بشۆ.

ڕێچکەی زەیتی لیمۆ بۆ پێست

زەیتی لیمۆ کۆمەڵێک دژە بەکتریا و دژە ئۆکسانی تێدایە، ئەمەش وادەکات کاربکات بۆ کەمکردنەوەی هەوکردن و ڕزگاربوون لە خانە مردووەکانی سەر پێست کە دەبنە هۆی گیرانی کونیلەکانی پێست و دەرکەوتنی زیپکە و ئەمەش وایکردووە ببێتە یەکێک لە باشترین بژاردەکان، چونکە ئەنجامێکی کاریگەر دەدات، لە گرنگترین ڕێچکەکانی زەیتی سروشتی لیمۆ ئەمانەی خوارەوەن:

ڕێچکەی زەیتی لیمۆ بۆ زیپکە

مامەڵەکردن لەگەڵ پێست پێویستی بە وریایی زۆر هەیە، گرنگترینیان پێستی چەورە، کە تیایدا کۆبوونەوەی پیسی و بەکتریا زیاد دەکات، لێرەدا دەتوانرێت زەیتی لیمۆ وەک پاککەرەوەی پێست بەکاربهێنرێت بە جێبەجێکردنی ئەم هەنگاوانە:

• دڵۆپێک زەیتی سروشتی لیمۆ لەگەڵ کەمێک لە زەیتی دڵخوازەکەت بخەرە سەر پەڕۆیەک.

• پاشان بەو پەڕۆچەورە شوێنی تووشبووی پێستەکە بسڕەوە، بەڵام زۆر بە نەرمی.

• ئەو ڕۆنەی کە دەمێنێتەوە لەسەر شوێنی تووشبوو بەجێبهێڵە بۆ ماوەی ٢-٥ خولەک.

• بە پاککەرەوەی ئاسایی دەموچاوت بشۆ.

 

ڕێچکەی زەیتی لیمۆ بۆ یەکخستنی ڕەنگی پێست

ئەم ڕێگایە یارمەتیدەرە لە یەکخستنی ڕەنگی پێست و ڕزگاربوون لە پەڵە ڕەشەکان، تەنها پێویستە ئەم هەنگاوانە جێبەجێ بکەیت:

• بوتڵێکی بچووک وەربگرە و ٣٠ مل زەیتی لیمۆی تێبکە، لەگەڵ ٤ دڵۆپ زەیتی سەندەل، لەگەڵ ٣٠ مل زەیتی بادەم شیرین.

• هەموو پێکهاتەکانی پێشوو تێکەڵ بە یەکتر دەکرێن بە ڕۆڵکردنی شووشەکە لە نێوان لەپى  دەستتدا یان ڕاوەشاندنى، تاوەکو پێکهاتەکان بەیەکسانى تێکەڵ دەبن.

• کاتێک پاککردنەوەی پێست تەواو بوو، پاککەرەوەی زەیتی لیمۆ بۆ پێست بەکاردێت بە دانانی ٤-٥ دڵۆپ لە تێکەڵەی زەیتەکان بۆ پێست.

• باشتر وایە مەساجێکی باشی پێست پێ بکەیت، بۆ ئەوەی پێست تێکەڵەکە هەڵبمژێت، تازەیی و پاککردنەوەی قووڵ و بەردەوامی پێستت پێدەبەخشێت.

چۆنیەتی بەکارهێنانی زەیتی لیمۆ بۆ دەموچاو پێش خەوتن

زەیتی سروشتی لیمۆ لەسەر ڕوخسار بەکاردێت بۆ سوود وەرگرتن لەو سوودانەی بە پێست دەبەخشێت، بەو پێیەی یارمەتیدەرە بۆ لابردنی پیسی لکدار بە پێست، هەروەها خۆراک بە پێست دەدات لەکاتی خەوتندا بە ڤیتامین سی کە ڕۆڵی هەیە لە یەکخستنی ڕەنگی پێست هەروەها توندکردنەوەی یان بچوکردنەوەى کونیلەکانی دەموچاو، و زەیتی سروشتی لیمۆ بۆ ئەم شێوازە بەکاردەهێنرێت:

• یەکەم هەنگاو دڵنیابوونە لە پاککردنەوەی دەموچاو بەباشی بە ئاو و پاککەرەوەی بەکارهێنراو.

• پەڕۆیەک وەربگرە و دوو دڵۆپ زەیتی سروشتی لیمۆی لەسەر دابنێ و دوو دڵۆپ زەیتی جۆجۆبای لەسەر دابنێ.

• پارچە پەتۆکە بەسەر دەموچاودا تێدەپەڕین، و لە ژێر کۆنتۆری چاودا تێدەپەڕین چونکە یارمەتیدەرە لە سووککردنی بازنەی ڕەشەکان.

• بە درێژایی شەو لەسەر پێست بەجێی بهێڵە و ڕۆژی دواتر بیشۆ.

ئەمەو چەندین سوودى کە لە ماسک و بەکارهێنانى تر کە لە داهاتودا باسیدەکەین: