چەند ئامۆژگاریەک لە بارەى گرنگیدان بە نینۆک

زۆرن ئەوانەى بە دەست بێهێزى و زوو شکاندنى نینۆکەکانیانەوە دەناڵێنن ناتوانن درێژیبکەنەوە، ئەم کێشانەش دەگەڕێتەوە بۆ چەند هۆکارێکى جیاواز، کە دەبێت لە پێشەوە کێشەکان دیاربکرێن داوتر چارەسەر گونجاویان بۆ بدۆزرێتەوە.

ڕێگەکانى گرنگیدان بە نینۆک: چەندین ڕێگە هەیە بۆ گرنگیدان بە نینۆک:

• ـ گرنگیدان بە نینۆککردن بە شێوەیەکى تەندروست، بە بەکارهێنانى نینۆککەرێکى تیژ، لە هەمانکاتدا تەنیشتەکانى تا ڕادەیەک قەوس کەرەوە بە نینۆکبڕکە، تا شێوەیەکى جوان ببەخشێ.
• ـ زۆر ئاگاداربە بە ددان نینۆکەکانت مەکرۆژە یان توێژى بەشى سەرەوەى لێنەکەیتەوە، چونکە ئەمە دەبێتە سەرەتایەک بۆ لەناوچونى نینۆک.
• ـ بەهیچ جۆرێک نینۆک بەکارمەهێنە بۆ کردنەوەى هیچ شتێک.
• ـ پاراستنى نینۆکەکانت بە وشکى و پاکوتەمێزى، تا ڕێگرى بکەیت لەوەى کە ژێر نینۆکەکانت نەبن بە مۆڵگایەک بۆ گەشەى بەکتریاکان، چونکە نینۆک وەک هەموو ئەندامەکانیتر بە هۆى بەکتریاکانەوە توشى زیان و داخورنان دەبێت.

• ـ زۆر گرنگە لەکاتێکدا کە دەستەکانت لە ناو ئاودا زۆردەمێننەوە بە تایبەتى ئەگەر جیل یان هەر جۆرە مادەیەکى پاککەرەوە لە ئاوەکەدابوو، دەستکێش لە دەستکەیت، چونکە زۆرمانەوەى نینۆک لە ئاودا دەبێتە هۆى شکاندنى.
• ـ شێدارکەرەوە بۆ نینۆکانت بەکاربێنە، کاتێک کرێم لە دەست و قاچت دەدەیت باش نینۆکەنشتى پێ بهەنوو.
• ـ ڕووپۆشى پارێزەر لەسەر نینۆکەکانت دانێ، چونکە دەبێتە یارمەتیدەرەێکى زۆر باش و پارێزەر بۆ بە هێزبوونى نینۆک.
• ـ پشوو بە نینۆکەکانتبدە، بەمانایەکى تر هەمیشە بۆیەى مەکە، چونکە ئەمە لاوازیدەکات.
• ـ بە دواى بۆیەى کوالیتى بەرزدا بگەڕێ، دوورکەورەوە لە مادە کیمیاوییە هەرزانەکان، وەک بوتیلى دووانى فاسالایت(Dibutyl phthalate).
  
• ـ زوو زوو نینۆکەکانت بشۆ و پاکژیانکەرەوە.
• ـ پرس بە دکتۆرى پسپۆڕ بکە بۆ وەرگرتنى تەواوکارى بیوتین، چونکە دەرکەوتووە بەسوودە بۆ بەهێزکردنى نینۆکى لاواز و شکاو.