٤ پێکهاتەی پێویست بۆ ڕزگاربوون لە خەرمانەى ڕەشى چاو

خەرمانەى ڕەشى چواردەورى چاو لە کێشە باوەکانە لە جوانکاریدایە

 

(لەgoogle وە)

تاقیکردنەوەکان کە مامەڵە لەگەڵ چارەسەری خەرمانەى ڕەش دەکەن، ئاماژە بەوە دەکەن کە کلیلی سەرکەوتن لە زاڵبوون بەسەر ئەم کێشە جوانکارییە لە چوار پێکهاتەی زۆر کاریگەردایە، کە پێویستە لە بەرهەمەکانی چاودێری ناوچەى چاودا بەدوایدا بگەڕێن.

 

 (لەgoogle وە)

خەرمانەى ڕەش لە کێشە باوەکانی جوانکاریە. کاریگەری لەسەر مێینە و نێرەکانی تەمەنە جیاوازەکان هەیە، هەروەها لە چڕی و ڕەنگەکانیدا جیاوازە کە مەیلیان بۆ شین، سوور، مۆر، یان قاوەیی هەیە، ئەمەش بەهۆی پەیوەندییەکەی بە چەند هۆکارێکەوە، لەوانە: فاکتەری بۆماوەیی، فشاری دەروونی، دانیشتنی زیادەڕۆیی لەبەردەم شاشەکاندا، و تەنکبوونی پێست لە دەوروبەری چاو.

 ئامرازەکانی جوانکاری دژ بە خەرمانەى ڕەش جۆراوجۆرن، هەندێکیان سروشتین، وەک دانانی بازنەی خەیار لەسەر پێڵوی چاو، هەندێکیشیان پزیشکین، وەک دەرزی لێدانی ماددەى جۆراوجۆر بۆ ناوچەی دەوروبەری چاو، هەندێکیشیان پشت بە بەکارهێنانی ماکیاژ دەبەستن بۆ شاردنەوەی ئەم خەرمانەیە لە ڕێگەی بەکارهێنانی کۆنسێلەر و کرێمی ئەساس. شارەزایان پێشنیاری ئەوە دەکەن کە ڕۆتینی چاودێری دژە خەرمانەى تاریک بۆ ئەم بوارە بگیرێتەبەر، لەسەر بنەمای چوار پێکهاتە کە دەبێت بەکاربهێنرێت بۆ بەدەستهێنانی ئەنجامی درێژخایەن لەم بوارەدا.

(لەgoogle وە) 

• ترشی هیالۆرۆنیک بۆ شێدارکردنی ناوچەی چاو:

ئەم ترشە بە شێوەیەکی سروشتی لە جەستەماندا هەیە، هەروەها ڕۆڵێکی سەرەکی دەگێڕێت لە شێدارکردنی پێست و پاراستنی چەورییەکەی، بەڵام لەگەڵ تێپەڕبوونی کاتدا بوونی کەم دەبێتەوە. پێشنیار دەکرێت وەک پێکهاتەیەک لە بەرهەمەکانی چاودێری چاو وەربگیرێت بۆ ئەوەی لە وشکبوونەوە بپارێزرێت و ناوچەکە پڕبێتەوە و لە بازنەی ڕەش ڕزگارى بێت.
 

 

(لەgoogle وە)

• کافاین بۆ بەرزکردنەوەی زیندوویی ڕوخسار:

کافاین ڕۆڵێکی سەرەکی دەگێڕێت لە بەرزکردنەوەی زیندوویی ڕوخسار و بەشدارە لە تەسککردنەوەی قەبارەی خوێنبەرەکان و سنووردارکردنی دەرکەوتنیان لە ڕێگەی پێستەوە. باشتر وایە بەدوای ئەو بەرهەمانەی چاودێری چاودا بگەڕێن کە دەوڵەمەندن بە کافاین بۆ کەمکردنەوەی دەرکەوتنی بازنەی ڕەش و گیرفانە ئاوساوەکان.

(لەgoogle وە) 

•  ڕێتینۆڵ بۆ ڕێگریکردن لە خەرمانەى ڕەش:

ڕێتینۆڵ بەهۆی تایبەتمەندیەکانی کە یەکێکە لە گرنگترین پێکهاتەکانى جوانکاری ساڵی ٢٠٢٢ دەستنیشان دەکرێت. ئەو خانانەی بەرپرسن لە ڕەنگکردنی پێست کۆنتڕۆڵ دەکات و ڕێگری دەکات لە زیادەڕەوی لە ڕەنگکردنی پێست کە دەبێتە هۆی دەرکەوتنی خەرمانەی ڕەش لە ناوچەی چاودا.

(لەgoogle وە) 

• فلتەری دژەخۆر بۆ پاراستنی ناوچەی چاو:

ئەم فلتەرانە ڕۆڵێکی سەرەکی دەگێڕن لە هەر ڕۆتینێکی جوانکاری بۆ جۆرە جیاوازەکانی پێست، هەربۆیە دەبێت ئاگاداری ئەوە بکرێتەوە کە لە کرێمی شێدارکەرەوە بۆ پێستی دەموچاو و ناوچەی چاودا جێگیر بکرێن. جێگای سەرنجە کە ناوچەی دەوروبەری چاوەکان سەرەڕای هەستیارییەکەی، لە کاتی بەکارهێنانی کرێمی پاراستنی خۆر پشتگوێ دەخرێت، ئەمەش وا دەکات تووشی تیشکی سەروو بنەوشەیی بێت. باشتر وایە دژەخۆرێک هەڵبژێریت کە ڕێژەی پاراستنی لانیکەم ٣٠ spf بێت، و بیدەیت لە مل و دەموچاو، بە ناوچەی چاویشەوە، یان بەکارهێنانی کرێمی شێدارکەرەوە کە فلتەری دژەخۆری تێدایە.