ئایا دەزانى ڕۆژانە چەند جار پێویستە قژ دابهێندرێت؟

 

 ئایا دەزانىڕۆژانە چەند جار پێویستە قژ دابهێندرێت؟

شانەی قژ هەنگاوێکی گرنگە لە ڕۆتینی چاودێری ڕۆژانەدا، بەو پێیەی ئەو پیسیانەی کە لەسەر ڕووی کۆبوونەتەوە لادەبات و یارمەتی ڕزگارکردنی دەدات، بەڵام ژمارەی گونجاوی جارەکانی شانەکردن لە ڕۆژێکدا چەندە؟ ئەمانە ئامۆژگاری پسپۆڕانی ئەم بوارەن.

 شانەکردنی قژ مەرجێکی پێویستە بۆ پاراستنی سیما تەندروستەکەی، بەو پێیەی نەک تەنها گرێکانی لادەبات، بەڵکو ڕزگاری دەکات لەو پیسیانەی لەسەر ڕووی کۆبوونەتەوە، هەر ئەمەش وایکردووە ئەم هەنگاوە ڕۆژانە ناچار بێت ئەنجامدرێت، بەڵام ئایا دەکرێت تەنها یەکجار بەسبێت، یان پێویستە قژەکە چەند جارێک لە ڕۆژێکدا شانەبکرێت؟بۆ ئەوەی سوود لە سوودەکانی ئەم جوڵەیە وەربگریت.

 

جارێک، دوو، یان سێ؟

شارەزایانی چاودێری قژ دووپاتی دەکەنەوە کە پێویستە بەلایەنی کەمەوە ڕۆژانە یەک جار قژ شانەبکرێت، باشتر وایە ڕۆژانە دووجار بەم هەنگاوە خۆڕابێنیت، بەڵام ئەمە تەنها بۆ قژی ڕاست دەگونجێت و ناگونجێت بۆ قژی لوول یان قژی لوولی کیمیایی کە دەبێتە هۆی تێکدانى لوولبوونەکەی.

 

سەبارەت بە باشترین کاتەکان بۆ شانەی قژ ئەوا بەیانیان و ئێوارانن، شانەی بەیانیان یارمەتی گەڕانەوەی قەبارەی قژ دەدات و دەردانی چەوری لەسەری دابەش دەکات بۆ بەرزکردنەوەی بریقەی، هەروەها هاندەری سوڕی خوێنە لە پێستی سەردا، شانەی ئێواران یارمەتی قژ دەدات بۆ  ڕزگاربوون لە... تۆز و پیسکەرەکان و پاشماوەی بەرهەمەکانی ستایلکردن کە لەسەری کۆبوونەتەوە.

 

دەکرێت کاریگەری لابردنى ماددەکانى ستایلکردنی قژ بشوبهێنرێت بە کاریگەری لابردنی ماکیاژ لەسەر پێست، ئەمەش ڕێگایەکە بۆ گرنگیدان بە قژ، ڕزگارکردنی لەو گرێ و پیسیانەی لەسەری کۆبوونەتەوە، لەم حاڵەتەدا دەبێت قژەکە لەبێخەوە بۆکۆتاییەکانى شانەبکرێت تا ڕەگەکان بۆ ئەوەی ئاڵۆزەکە بکرێنەوە بەبێ ئەوەی ببێتە هۆی ئەوەی مووەکان بشکێت.

 بۆ پاراستنی قژ لە شەودا و دوورکەوتنەوە لە تێکەڵبوون لە کاتی خەوتندا، باشتر وایە بە شێوەی پرچێکى نەرم ستایلەکەی بکەیت و لەسەر بالیفێکی ئاوریشمی بخەویت.

 

100 شانە لێدان

(خوشکانی کاریتا) یەکەم کەس بوون تەکنیکی "100 شانە"یان لە بواری چاودێریکردنی قژدا لە ڕێگەی سەنتەرەکەیانەوە کە هەڵگری ناوی خۆیانە(خانوى خوشکانى کاریتا) داهێنا، بە وریاییەوە قژەکە شانە دەکەن کاتێک وشک دەبێتەوە: سەرەتا ٢٥ جار لە ڕەگەوە بەرەو کۆتاییەکانى شانەی دەکرێت دوای چەمانەوەی سەر بۆ خوارەوە، پاشان ٢٥ جار لە گوێی ڕاستەوە بەرەو گوێی چەپ دوای چەمانەوەی سەر بۆ لای چەپ و ٢٥ جار لە گوێی چەپەوە بەرەو گوێی ڕاست دوای چەمانەوەی بۆ لای ڕاست. لە کۆتاییدا ٢٥ جار لە سەرەوەی پێشەوە بەرەو مل. باشتر وایە بە شانەیەکى سروشتى کە لە ماددەى سروشتى دروستکراوە، شانەکە بشۆیت، چونکە لە شانەى پلاستیکی نەرمترە.

 

پاککردنەوەی شانە يان فڵچە

پاککردنەوەی وەرزی شانەى قژ زۆر پێویستە بۆ ڕزگاربوون لە تۆز و پیسکەر و دەردانی چەوری و پاشماوەی بەرهەمەکانی ستایلکردن کە لەسەر قژەکە کۆبوونەتەوە، چونکە ئەم پیسییانە لە کاتی شانەی قژدا دەگوێزرێنەوە بۆی ئەگەر فڵچەکە پاک نەکرێتەوە. شارەزایان پێشنیاری ئەوە دەکەن کە ئەم پاککردنەوە بە دوو قۆناغ ئەنجام بدرێت بە لابردنی پاشماوەی موو لە شانەکە دوای هەر بەکارهێنانێک و گرتنەبەری پاککردنەوەی قووڵتر لە هەر هەفتەیەک یان دوو هەفتەیەکدا بە شۆردنی فڵچە بە ئاو و کەمێک شامپۆ، پاشان بە باشی بیشۆرێت و با پێش بەکارهێنان وشک بێتەوە .

 

فڵچەی پێستی سەر

پێستی سەر 3.5%ی ڕووبەری پێست پێکدەهێنێت، هەروەها یەکێکە لەو ناوچانەی کە بەزۆری لە بواری چاودێریدا پشتگوێ دەخرێت، سەرەڕای ئەوەی بنەمایە بۆ بەدەستهێنانی قژی تەندروست و ئەستوور کە تاجى جوانى خانمانە.

لە پێستی سەردا، تاڵەکانی قژ کیراتین دروست دەکەن، ئەم تاڵانەش لە خوێنەوە ئەو ماددە خۆراکی و ئۆکسجینانەی کە پێویستن بۆ گەشەی قژ وەردەگرن، لە پێستی سەریشدا ڕژێنی چەوریش هەن کە چەوری دەردەدەن کە قژ دەپارێزن و بریقەی بەرز دەکەنەوە.

شارەزایانی چاودێری قژ ئامۆژگاری ئەوە دەکەن کە فڵچەیەکی تایبەت بۆ مەساجکردنی پێستی سەر بەکاربهێنرێت و هەفتەی چەند جارێک بەکاریبهێنرێت بە ئامانجی هاندانی سوڕی خوێن و ڕزگارکردنی لە پیسی باشترە. هەروەها باشتر وایە ئەم فڵچەیە پێش و لە کاتی دانانی حەمامێکی زەیتی یان دەمامک لەسەر قژ بەکاربهێنرێت، چونکە یارمەتیدەرە بۆ ئەوەی بە باشی بەسەر پێستی سەردا دابەش بکرێت بۆ ئەوەی باشتر سوود لە تایبەتمەندییەکانی وەربگریت.