هەنگاوەکانی بەدەستهێنانی پێستێکی گەش بۆ جەژنی ڕەمەزان

پێش جەژن، پێستت پێویستی بە گرنگیدانێکی زۆر هەیە، بە دڵنیابوون لە پاککردنەوەی بەردەوام و لەبیرنەکردنی گرنگی شێدارکردنی، بەکارهێنانی سیرۆمی چاودێری پێست و ماسکی پاککردنەوە و قڵیشاندنی پێست بە بەردەوامی. لێرەدا چەند ئامۆژگاریەکی پێست دەخەینەڕوو کە دەتوانیت لە ئێستاوە دەست پێبکەیت.

 

ئامۆژگاری یەکەم: بە بەردەوامی پێستت پاک بکەرەوە

بەیانیەکەت بە پاککردنەوەی پێستت دەست پێ بکە. ئەمەش یارمەتیدەر دەبێت بۆ ئەوەی پێستت لە بە پاکى دوور لەخاڵ و پەڵە بمێنێتەوە، هەوڵبدە جێڵی پاککەرەوەی قووڵ کە بە ترشی سالیسیلیک دروستکراوە بۆ بەرەنگاربوونەوەی زیپکە و پاککردنەوەی پێست بەبێ ئەوەی وشکی بکاتەوە.

 

 

 ئامۆژگاری دووەم: پرایمەرێکی دۆستی پێست هەڵبژێرە

بۆ ئەوەی پێستت بێ کەموکوڕی بێت، پرایمەرێک هەڵبژێرە کە دەتوانیت باشتر بیدەیت لە ماکیاژ، چونکە یارمەتی شێدارکردنی پێستت دەدات و درەوشاوەیی پێدەبەخشێت. پرایمەرێک هەڵبژێرە کە زەیتی تۆوی ساتیڤای تێدابێت.

ئامۆژگاری سێیەم: شێدارکەرەوەى لێو لەبیر مەکە

لەوانەیە زۆربەی کاتەکان لە دەرەوەی ماڵەوە ئاهەنگی جەژن بگێڕیت. بۆیە پێویستت بە شێدارکەرەوەى لێو هەیە کە چارەسەری لێوی وشک و درزاوی بکات. دەتوانیت شێدارکەرەوەیەکى لێو هەڵبژێریت کە دەوڵەمەندە بە ترشی هیالۆرۆنیک.

 

 

ئامۆژگاری چوارەم: بە بەردەوامی دەموچاوت لە ماکیاژ پاک بکەرەوە

لە کۆتایی ئێواران هەرچەند درەنگ بیت یان چەندە ماندوو بیت، پێویستە پێستت پاک بکەیتەوە لە ماکیاژ، بوتڵێکی پاککەرەوەی ماکیاژ هەڵبژێرە کە دەوڵەمەندە بە ئاوی میسێلار لە تەنیشت مێزی جێگاکە، باشترە لابەری ماکیاژ کە بەهەمان شێوە دەوڵەمەند بێت لە ڤیتامین C.

 

ئامۆژگاری پێنجەم: خۆت ڕزگارکە لەژەهراکانى پێستت

دەتوانیت ماسکی دەموچاو تاقیبکەیتەوە کە یارمەتی پاککردنەوەی پێست دەدات و بەردەوام لە پیسی و پەڵەی ڕەش ڕزگارى دەکات.

 دەتوانیت سکرابی شەکری ماڵەوە بەکاربهێنیت بۆ قڵیشاندنی پێستت یان بە سادەیی پێستت بە نەرمی بە قوماشی شۆردن بشۆیت. بەڵام دڵنیابە لەوەی پێستت زیاد لە پێویست قڵیشان(سکراب) نەکەیت.

 

 

ئامۆژگاری شەشەم: ڕۆتینی پێستی جەژن بۆ بەرزکردنەوەی درەوشاوەیی بە سیرۆمی ڤیتامین سی 

بۆ یارمەتیدانی بەرزکردنەوەی درەوشانەوەی پێستت لە جەژن و کەمکردنەوەی پێستی مات و ماندوو، سیرۆمی ڤیتامین سی ڕۆژانەمان بخەرە ناو ڕۆتینەکەتەوە بۆ پاراستنی پێست لە ڕادیکاڵە ئازادەکان و بە شێوەیەکی دیار ڕەنگی پێستت گەشاوە دەکات.

 

ئامۆژگاری حەوتەم: کرێمی دژە پیربوون

ئەگەر تا ئێستا دەستت بە بەکارهێنانی ڕێتینۆڵ نەکردووە، هیچ کاتێک نییە بۆ بەفیڕۆدان. ڕێتینۆڵ تایبەتمەندی دژە پیری تێدایە کە چرچ و لۆچی کەم دەکاتەوە و پێکهاتەی پێست نەرم دەکات و تەنانەت ڕەنگی پێستیش دەپارێزى لە تێکچون.

هەروەها ئامۆژگاریت دەکەین کە زیاتر بخوێنیتەوە دەربارەی ئەو هەڵانەی کە دەبێت لە کاتی بەکارهێنانی ڕێتینۆڵدا لێیان دوور بکەویتەوە.

 

ئامۆژگاری هەشتەم: گرنگی تایبەت بە ناوچەی ژێر چاو بدە

لەوانەیە لە ڕۆژانی جەژندا زۆر نەخەویت، ئەگەری هەڵئاوسانی چاوت و ڕەشبوونەوەی لە دەوری چاوەکانتدا دروست بێت. هیچ شتێک وەک کیسی ژێر چاوەکان، پشوویەکی خۆشی ناداتێ و شەوانە گەنجى ناکاتەوە.

 

 

ئامۆژگاری نۆیەم: دژەخۆر لەبیر مەکە

لە هاویندا لەبیر نەکرێت. پاراستنی خۆر بۆ دەموچاو و دەست و قاچ و هەر بەشێکی دیکەی بەرکەوتووی جەستەت زۆر گرنگە. زۆر بەرکەوتنی تیشکی سەروو بنەوشەیی دەبێتە هۆی زیانگەیاندن بە پێستت بۆ هەمیشە و دەبێتە هۆی سووتانی خۆر و چرچبوون و هێڵی ورد و شێرپەنجەی پێست و پیربوونی پێشوەختە.