چی لەبارەى میت گالا ٢٠٢٣ دەزانیت؟

میت گالا لە یەکەم دووشەممەی مانگی ئایاردا دەگەڕێتەوە بۆ وادەی ئاساییەکەی خۆی، دوای ئەوەی لە کاتی پەتای کۆرۆنادا کاتەکەى گۆڕا. سەبارەت بە نازناوەکەی ئەمجارە، "بۆ ڕێزلێنان لە (کارل)"، بەڕێوەبەری هونەری کۆچکردووی شانێل، کە لە ساڵی ٢٠١٩ کۆچی دوایی کرد و بە بەرهەمدارترین و دیارترین دیزاینەری جلوبەرگ لە هەموو سەردەمێکدا دادەنرێت.

کەتی پێری بە جلی سەندریلاوە لە ئاهەنگی گالا ٢٠١٩ بەواژۆی تۆمی هیلفیگەر

ئاهەنگی مێت گالا لە ساڵی ٢٠٠٥ەوە لە هەمان بەرواردا بەڕێوەدەچێت، جگە لە ساڵی ٢٠٢٠ کە بەهۆی پەتای کۆرۆناوە هەڵوەشایەوە، هەروەها لە ساڵی ٢٠٢١ کە بە هەمان هۆکار دواخرا بۆ مانگی ئەیلول. بۆنەیەکی خێرخوازییە کە هەموو بەهارێک لە مۆزەخانەی هونەری میترۆپۆلیتانی شاری نیویۆرک ڕێکدەخرێت و وەک یەکێک لە دیارترین چالاکییەکانی پەیوەست بە مۆدە لە جیهاندا پۆلێن دەکرێت، هەر بۆیەش ناوی "ئۆسکاری مۆدە"ی لێنراوە. لەگەڵ ئاهەنگەکەدا وەک هەمیشە پێشانگایەک بەڕێوەدەچێت کە لەلایەن(ئەندرۆ بۆڵتۆن)، ئەمیندارى پەیمانگای مۆدەی نیویۆرکەوە سەرپەرشتی دەکرێت، لە کاتێکدا ئەمساڵ لەلایەن(ئاماندا هارلیچەوە) سەرپەرشتی دەکرێت، کە ساڵانێکە زۆر لە نزیکەوە لەگەڵ دیزاینەر کارل لاگەرفێڵد کاردەکات و ڕاوێژکاری داهێنەرە بۆ پێشانگاکە کە ناوی لێنر (کارل لاگەرفێڵد: هێڵێک بۆ جوانی).

کاتى بیرى بەجلى سوریایەوە لە ئاهەنگى 2019

جل و بەرگی ئەم چالاکییە بۆ ڕێزلێنانە لە دیزاینەر کارل لاگەرفیڵد، میوانەکان دیزاینەکان لە ژیانی درێژخایەنی دیزاینەری کۆچکردوو هەڵدەبژێرن کە تێیدا هاوکاری لەگەڵ خانوى(شانێل Chanel ، فێندیFendi، بالمەینBalmain، پاتۆPatou، کلۆیChloe و لایبەڵی) تایبەتی خۆی لە Karl Lagerfeld کارل لاگەرفێڵد کردووە کە ناوی ئەوی لەسەرە.

کیم کارداشیان بە جلی ماریلین مۆنرۆیەوە لە ئاهەنگی گالا ٢٠٢٢

ژیاننامەی ئەم مەراسیمە

میت گالا بۆ یەکەمجار لە ساڵی ١٩٤٨ وەک بۆنەیەک بۆ کۆکردنەوەی کەسایەتییە ناودارەکان بۆ خوانێکی تایبەت بەڕێوەچوو، بەڵام ئەمڕۆ دوای تێپەڕبوونی ٧٠ ساڵ گۆڕاوە بۆ یەکێک لە گەورەترین فێستیڤاڵەکان کە چێژ لە ڕوماڵی میدیایی و بەدواداچوونی گەورە وەردەگرێت تۆڕی کۆمەڵایەتی. زۆرێک لە دیمەنە ئەستێرەییەکانی ئەم ئاهەنگە لە دەرگا فراوانەکەیەوە چوونەتە ناو مێژووی مۆدە، وەکو ڕوخساری ڕیهانا بە جلوبەرگی پاپا ڕۆمی گەوهەردارەوە، ڕوخساری زێندایا بە جلێکی سەندرێلا و ڕوخساری بلیک لایڤلی لە جلێکدا کە ڕێزلێنانێک بوو بۆ تەلارسازییەکە لە شاری نیویۆرک و بەو ڕەنگانەی جیا دەکرایەوە کە لەبەردەم چاوماندا دەگۆڕدرێن.

کاردی بی لە تۆم براون لە گالا ٢٠١٩بە واژوى توم براون

ساڵی ڕابردوو لە ئاهەنگەکەدا 17.4 ملیۆن دۆلاری وەک هاوکاری بۆ پەیمانگای مێت بۆ جلوبەرگ کۆکرایەوە و پێشانگای ساڵانەی بەهاری کە هاوکاتە لەگەڵیدا سەدان هەزار سەردانیکەری هێناوەتە مۆزەخانەی میترۆپۆلیتان. سەبارەت بەمساڵیش، پێشانگاکە باس لە پیشەی دیزاینەری ئەڵمانی کارل لاگەرفیڵد دەکات، کە لەڕێگەی ئەو جلوبەرگانەی کە لە نێوان پەنجاکانی سەدەی ڕابردوودا دیزاینی کردووە و دوا کۆمەڵەی خۆی کە لە ساڵی ٢٠١٩ پێشکەشی کردووە، دەردەکەوێت.

کەتی پێری بە جلێکی ڤێرسایەوە لە ئاهەنگی گالا ٢٠١٨

بلیتی مێت گالا بەزۆری بۆ فرۆشتن بە خەڵک نییە، و زۆرجار لەلایەن کۆمپانیاکان یان خانووەکانی مۆدە دەکڕدرێن کە میوانداری کەسایەتییە ناودارەکان دەکەن لەسەر مێزەکانیان لەم ئاهەنگەدا. پێدەچێت نرخی تاکە بلیتی ئەمساڵ بگاتە ٥٠ هەزار دۆلار و نرخی مێزەکەش بگاتە ٣٠٠ هەزار دۆلار. سەبارەت بە ژمارەی ئامادەبووان، ڕەنگە بگاتە 400 کەس، دوای ئەوەی پێش پەتاکە لەنێوان 500 بۆ 600 کەسدا بووە. ڕەزامەندی ئانا وینتور سەرنووسەری گۆڤاری ڤۆگ لە وەشانی ئەمریکی خۆیدا و ستافەکەی پێویستە بۆ ئامادەبوونی هەر میوانێک، لە کاتێکدا بینەران دەتوانن لە ڕێگەی ڕاستەوخۆوە بەدواداچوون بۆ ڕوخساری ئەستێرەکانی سەر فەرشی سووری مەراسیمەکە بکەن ڕووماڵکردنی گۆڤاری "ڤۆگ" لە لاپەڕەکانی لە سۆشیال میدیا.