ئەگەر دەتەوێت لە ئاوسانى سک ڕزگارت بێت، ئەم خۆراکانە بخۆ!

 گومانی تێدا نییە کە ئاوسانی سک نیشانەیەکی بێزارکەر و کاریگەری لەسەر کۆئەندامی هەرس هەیە. ئەمەش کاتێک ڕوودەدات کە گەدە هەست بە پڕی و گرژبوون و ئاوسانی بکات لە ئەنجامی زۆر ڕاگرتنی غاز یان شلە.

بەڵام چەندین جۆری چارەسەری سروشتی لەبەردەستدایە بۆ یارمەتیدانی نەهێشتنی ئاوسانی سک و پاڵپشتی تەندروستی هەرسکردن.

لە کاتێکدا گرنگە ئاماژە بەوە بکەین کە گەشتەکە بۆ کەمکردنەوەی ئاوسانی گەدە لە خواردنی وردەوە دەست پێدەکات، بۆیە ڕەنگە بیر لەوە بکەیتەوە کە هەندێک خۆراک بخەیتە ناوەوە کە هێزی کەمکردنەوەی تێکچوونی گەدەیان هەبێت

لەو چوارچێوەیەدا، ڕاوێژکاری پزیشکی ناوخۆیی و نەخۆشی شەکرە لە نەخۆشخانەکانی HCG لە شاری ئەحمەدئابادی ویلایەتی گوجارات لە هیندستان، (مانۆج ڤیتلانی)، لیستی ئەو خۆراکانەی ئاشکرا کرد کە بەشدارن لە ڕزگاربوون لە ئاوسانی سک، بەپێی ئەو هەواڵەی کە ڕۆژنامەی "ڕۆژهەڵاتی ناوەڕاست" لەسەر… سایتی پزیشکی تایبەتمەند "onlymyhealth":دایناوە.

 

1 - زەنجەفیل

زەنجەفیل بۆ چەندین سەدە وەک چارەسەرێکی سروشتی بۆ زۆرێک لە کێشەکانی هەرسکردن بەکاردەهێنرێت، لەنێویاندا ئاوسانی سک.

بەگوێرەی جۆرناڵ فۆدز، پێکهاتە چالاکەکان، وەکو زەنجەرۆل، یارمەتی هەرسکردن دەدەن لەڕێگەی ئارامکردنەوەی ماسولکەکانی ڕیخۆڵە و کەمکردنەوەی هەوکردن.

زەنجەفیل دەتوانرێت بە چەندین شێوە بخورێت، لەوانە چای زەنجەفیل، زەنجەفیلی ڕەندەکراو لە ژەمەکاندا یان تەنانەت وەک تەواوکەری خۆراک.

2 - نەعنا

نەعنا بە تایبەتمەندی هێورکەرەوەکەی کۆئەندامی هەرس ناسراوە. یارمەتی ئارامکردنەوەی ماسولکەکانی کۆئەندامی هەرس دەدات و ئاوسانی سک و ناڕەحەتی کەمدەکاتەوە.

هەروەها کوپێکی گەرمی چای نەعنا دوای خواردن دەتوانێت هەرسکردنی تەندروست بەرەوپێش ببات و ئاوسانی سک کەم بکاتەوە بە شێوەیەکی کاریگەر.

3 - ئەناناس

ئەناناس ئەنزیمێکی تێدایە بەناوی برۆمێلین کە یارمەتی تێکشکاندنی پرۆتینەکان دەدات و پاڵپشتی کرداری هەرسکردن دەکات، ئەم ئەنزیمە یارمەتی کەمکردنەوەی ئاوسانی سک دەدات لەڕێگەی باشترکردنی کۆی پرۆسەى هەرسکردن.

4 - پاپایا

پاپایا یەکێکی ترە لەو میوە گەرمانەی کە دەوڵەمەندە بە ئەنزیمەکان کە یارمەتی هەرسکردن دەدەن. پاپاین لەخۆدەگرێت کە یارمەتی تێکشکاندنی پرۆتینەکان دەدات و ئاوسانی سک کەمدەکاتەوە.

 

5 - ڕازیانە

ڕازیانە لە مێژە وەک یارمەتیدەرێکی هەرس بەکاردەهێنرێت بەهۆی تایبەتمەندی کارمیناتیڤ، واتە یارمەتی دەرکردنی غاز دەدات لە کۆئەندامی هەرس. دەبێتە هۆی ڕزگاربوون لە ئاوسانی سک و گرژبوون و هەرس نەکردنی خۆراک.

بۆیە چێژ لە ڕەشکە وەربگرە بە تێکەڵکردنی بۆ ناو زەڵاتە یان شۆربای یان بە جوینی تۆوەکەی دوای ژەمێک.

 

6 - خەیار

خەیار تەنها شێدارکەرەوە نییە، بەڵکو کاریگەرە لە کەمکردنەوەی هەڵئاوسان. ڕێژەیەکی بەرزی ئاوی تێدایە و دەوڵەمەندە بە ڕیشاڵ، ئەمەش وایکردووە کە نایاب بێت بۆ بەرەوپێشبردنی هەرسکردنی تەندروست.

 

7 - ماست

ماست بە تایبەت ئەو ماستی خۆماڵى یان پرۆبایۆتیک لەخۆدەگرێت، دەتوانێت یارمەتی هاوسەنگکردنی بەکتریاکانی ڕیخۆڵە بدات و هەرسکردن باشتر بکات.

پرۆبایۆتیکەکان بەکتریایەکی سودبەخشن کە ژینگەیەکی تەندروست و تەندروستی ڕیخۆڵە بەرەوپێش دەبەن و ئاوسانی سک و ناڕەحەتیەکانی تری هەرس کەم دەکەنەوە.

8 - هەلیون

هەلیون میزهێنەرێکی سروشتییە کە دەتوانێت یارمەتی کەمکردنەوەی ڕاگرتنی ئاو و ئاوسانی ئاو بدات. هەروەها ڕیشاڵی پرۆبایۆتیکی تێدایە کە خۆراک دەدات بە بەکتریاکانی ڕیخۆڵە و تەندروستی هەرسکردن بەرەوپێش دەبات.

9 - بەیبون

چای بەیبون تەنها ئارامکەرەوەیەکى و خۆش نییە. بەڵکو یارمەتی هەرسکردنیش دەدات. خاوەنی تایبەتمەندی دژە هەوکردنە و دەتوانێت یارمەتی نەهێشتنی ئاوسانی سک و هەرس نەکردن بدات.

بۆیە دوای ژەمێک کوپێکی گەرمی چای بابۆنی بخۆرەوە بۆ ئەوەی گەدەت ئارام بکاتەوە و تەندروستی گشتی هەرس بەرەوپێش ببات.