ماسکێکی ئەفسوناوی ژاپۆنی کە وا دەکات گەنجتر دەربکەویت! 

ڕێچکەی ئەمڕۆ بۆ ئامادەکردنی ڕێچکەیەکی ژاپۆنییە کە چرچ و لۆچی دەوری چاو و دەم و پێشەوە و مل لادەبات، هاوکات یارمەتیدەرە بۆ یەکخستنی ڕەنگی پێست و لابردنی پەڵەکان، پێویستت بە برنج دەبێت، بەو پێیەی بە یەکێک لە نهێنییە جوانکارییەکانی ژاپۆنی دادەنرێت بۆ پێستی خانمان، بەو پێیەی پیربوونی پێست دوادەخات و دەرکەوتنی چرچی پێست کەمدەکاتەوە. هەروەها پێویستت بە پەتاتە هەیە، وەک ئەوەی هەیە تازەیی و زیندوویی بە پێست دەبەخشێت و پتەو و گەشاوەی دەکات. پەتاتە چارەسەرێکی کاریگەرە بۆ هەموو کێشەکانی پێست، پەڵەکانى پێست لادەبات ، پەڵە و چرچ و لۆچی و هەموو نیشانەکانی پیربوون. هەروەها پێویستت بە شیری پۆدرە هەیە، بەو پێیەی پێست شێدار دەکات و خۆراک پێدەرە، جگە لە زەیتی گوێزی هیندی، بەو پێیەی پێست بە قووڵی شێدار دەکات و دەیکاتە درەوشاوە و نەرم و نیانیدەکات. هەروەها نیشاستە یارمەتی شێدارکردنی پێست دەدات پێست بە قووڵی و کاڵدەکاتەوە، جگە لە لابردنی پەڵە و ڕەنگکردن و سپیکردنەوەی پێست و پێدانی خۆراکی پێویستی.

 

ماسکی توندکردنەوەی پێستی ژاپۆنی سیحراوی

ماسکەکە لەم توخمانەی خوارەوە پێکدێت: 

1.  پەتاتەیەک.
2. ٣ کەوچکی چێشت برنجی سپی.
3. ٢ کوپ ئاو.
4. یەک کەوچکی چێشت نیشاستەی گەنمەشامی.
5. کەوچکێک شیری پاودەر.
6. کەوچکێک زەیتی گوێزی هیندی.

 

چۆنیەتی ئامادەکردنی ماسکەکە

• پەتاتەیەک وەربگرە، تویکڵکەى لێبکەرەوە پاکیکەرەوە، پاشان بیکە بە پارچەی بچووک و بیخە ناو مەنجەڵێکی کانزاییەوە.
• برنجەکەى پەتاتەکە تێکەڵبکە، ئاوەی تێبکە، پاشان پێکهاتەکان بە باشی لەسەر ئاگرێکی کز بکوڵێنە، جارجارە تێکی​​بدە.
• پێکهاتەکان بخەرە ناو خەڵاتێکى(تێکەڵکەرێکى) کارەبایی و بەباشی وردیان بکە بەیەکا تا تێکەڵەیەکی نەرمت دەست دەکەوێت، پاشان ٣ کەوچکی چێشت تێکەڵەکە بخەرە ناو قاپێکەوە و نیشاستەی تێبکە.
• بەباشی تێکەڵ بکە تا نیشاستە لەناو تێکەڵەکەدا دەتوێتەوە، پاشان شیری پاودەرەکەو و زەیتی گوێزی هیندی تێبکە و دووبارە تێکەڵی بکەرەوە تاوەکو تێکەڵەیەکی نەرم و کرێمدارت دەست دەکەوێت.

چۆنیەتی دانانی لەسەر پێست

1. ماسکەکە لەسەر پێستی خاوێنبدە و بۆ ماوەی 20 خولەک لەسەر پێستت بەجێی بهێڵە یان تا بەتەواوی وشک دەبێتەوە، دواتر یەکەمجار بە ئاوی گەرم و دوائەوەش بە ئاوی سارد بشۆ.
2. هەفتەی دووجار بەکارهێنانی ئەم ماسکە دووبارە بکەرەوە، پێستت سپیتر دەبێتەوە، پێستت درەوشاوەتر دەبێت، پێستت پتەوتر دەبێت، و هیچ چرچ و لۆچییەکت تێدا دەرناکەوێت.
3. ئەو تێکەڵەیەی کە دەمێنێتەوە لەناو پەرداخێکی بچووک و هەواگۆڕکێدا هەڵیبگرە و لەناو سەلاجەدا هەڵیبگرە، تا هەفتەیەک بەکاردەهێنرێتەوە.