لە پێستەوە بۆ قژ: شۆڕشی ترشە قڵیشێنەرەکان(سکرابەکان) لە جیهانی چاودێری قژدا
لە پێستەوە بۆ قژ: شۆڕشی ترشە قڵیشێنەرەکان(سکرابەکان) لە جیهانی چاودێری قژدا
ئەو
پێکهاتانەی پێشتر تەنها بۆ دەموچاو بەکاردەهاتن، ئێستا بوونەتە کلیلی سەرەکی بۆ
قژێکی تەندروست. "ترشەکان" چیتر تەنها بۆ پێست نین، بەڵکو تاقیگەکان سێ
جۆری سەرەکییان گواستۆتەوە بۆ ناو شامپۆ و سیرۆمەکان بۆ چارەسەرکردنی کێشەکانی
پێستی سەر.
بۆچی پێستی سەر پێویستی بە ترشەکانە؟
ترشەکان
کاردەکەن بۆ تێکشکاندنی پەیوەندی نێوان خانە مردووەکان، ئەمەش یارمەتی پاککردنەوەی
قووڵی پێستی سەر دەدات و ڕێگە بۆ گەشەی قژێکی تەندروستتر خۆش دەکات.
سێ ترشە ئەفسانەییەکە بۆ چاودێری قژ
١. ترشی گلایکۆلیک (Glycolic Acid): بۆ بریقە و نەرمی
ئەم
ترشە بچووکترین جۆری
AHA یە، بە ئاسانی دەچێتە ناو کونیلەکان و:
- پاشماوەی چەوری و بەرهەمە
جوانکارییەکان لادەبات.
- قژ نەرمتر و بریقەدارتر دەکات.
- تێبینی:
باشترە ڕاستەوخۆ دوای بۆیاخکردنی
قژ بەکارنەیەت بۆ ئەوەی ڕەنگەکەی تێکنەدات.
٢. ترشی هیالۆرۆنیک (Hyaluronic Acid): بۆ شێدارکردنەوە
ئەمە
"پادشای شێداری"یە و دەتوانێت بڕێکی زۆر ئاو لەخۆیدا بگرێت:
- پێستی سەر و تاڵەکانی قژ بە
شێداری دەهێڵێتەوە.
- چینێکی پارێزەر لە دەوری قژ
دروست دەکات.
- ئامۆژگاری: لە ناو سیرۆمەکاندا کاریگەرترە
وەک لە شامپۆ، چونکە پێویستی بە کاتە بۆ مژین.
٣. ترشی سالیسیلیک (Salicylic Acid): بۆ قژی چەور و قڵیش
ئەم
ترشە (BHA) باشترین بژاردەیە بۆ ئەوانەی کێشەی
قڵیش(مووخۆرکە) و چەوری زۆریان هەیە:
- کونیلەکان لە چەوری زیادە پاک
دەکاتەوە.
- خوران و هەوکردنی پێستی سەر هێور
دەکاتەوە.
- باشترە لەناو شامپۆدا بەکاربێت
چونکە بە مەساجکردن و شۆردن کاریگەرییەکەی دەردەکەوێت.
کام ترش بۆ قژی تۆ گونجاوە؟
- ئەگەر قژت چەورە: ترشی سالیسیلیک هەڵبژێرە.
- ئەگەر قژت وشک و بێهێزە: ترشی هیالۆرۆنیک و پانتینۆڵ
باشترینن.
- ئەگەر دەتەوێت پێستی سەرت
پاکبکەیتەوە:
ترشی گلایکۆلیک بەکاربهێنە.
تعليقات
إرسال تعليق