هەماهەنگی ڕەنگەکان لە دیکۆردا(بەشى یەکەم)

 

هەماهەنگی ڕەنگەکان لە دیکۆر ماڵدا  (بەشى یەکەم)

چۆنێتى ڕێکخستنى ڕەنگى، دیوار و دیکۆر و موبیلیات،ئیکسسواراتى ماڵ

 

هەماهەنگی ڕەنگەکان لە دیکۆردا شتێکى زۆر گرنگە، ئێمە دەزانین هەماهەنگی ڕەنگەکان چەندە قورسە، ئێستا کەسەرقاڵىدانانى دیزاینى ماڵەکەتى چەندە سەرت لێ شێواوە چونکە نازانیت لە کام بەشەوە دەست پێبکەیت، لەم بابەتەدا بە وردی هەموو ئەو شتانە ڕوون دەکەینەوە کە بۆت گرنگە سەبارەت بە یەکگرتوویی ڕەنگەکان و تێکەڵکردنیان، هەروەها فێرت دەکەین چۆن ڕەنگەکان لەگەڵ مۆبیلیات و دیوار و هەروەها زەویدا هەماهەنگ بکەیت، چەندین ڕەنگى باو بۆ ئەمساڵباس دەکەین، لە کەلوپەل و دیوارەکان، بە نمونە ڕەنگی دەریا، زەیتونى، و پەمەیی، هەروەها لە دیوارەکاندا، ڕەنگی پرتەقاڵی گەشاوە و قاوەیى شێوەى قوڕ، لە ڕەنگی سەرنجڕاکێشنى ئەمساڵن.

 

(لەgoogle وە)

یەکدەنگی یان گونجاندنى ڕەنگەکان لە دیکۆردا

یەکەم پرسیار کە لە کاتی مۆبیلیات کڕینی ماڵەکەت یان ئۆفیسەکەتدا دێتە مێشکتەوە ئەوەیە، کە چۆن ڕەنگەکانی ناو دیکۆرەکە هەماهەنگ بکەم؟ یەکدەنگی ڕەنگەکان لە دیکۆردا بناغە و ڕێسا و هەنگاوی زۆر گرنگی هەیە کە دەبێت بە باشی درکی پێبکەیت پێش ئەوەی دەست بکەیت بە هەماهەنگی ڕەنگەکان، شێوازی هەماهەنگی ڕەنگەکان لە دیکۆردا تەنها خولیایە.

 

بەڵام هونەر و زانستێکە، بۆیە کاتێک ڕەنگەکان لە دیکۆرەکەدا هاوئاهەنگ دەکەیت، ئەمە گەرمی و ئاسوودەیی دەروونی بە شوێنەکە دەبەخشێت و دیمەنێکی جوانکاری و لوکس و شیکى بۆ زیاد دەکات، ئەو وێنەیەی نیشان دراوە گرنگترین ڕەنگی هاوسەنگ پیشان دەدات

 

چۆن لەگەڵ یەکتردا هاوئاهەنگ دەبن، گرنگترین شت بۆ بینەر یەکگرتوویی ڕەنگەکانە، کاتێک ناتەبایی هەبوو، کەسەکە هەست بە ناڕەحەتی دەکات. هەروەها پێش ئەوەی دەست بکەیت بە پەرەپێدانی پلانەکەت لە هەماهەنگی ڕەنگەکاندا، دەبێت ئامانجەکەت دیاری بکەیت .

 

ئەگەر ژووری نوستن، ژووری منداڵان، یان ژووری پێشوازی بێت، ئەوا هەر ژوورێک دیکۆری گونجاوی خۆى هەیە و ڕەنگای تایبەت بەخۆشى لەگەڵیدا دەگونجێت، هەروەها لەگەڵ هەموو تەمەنێک ڕەنگێکى تایبەت بەخۆى هەیە، بۆ نموونە ژووری منداڵان پێویستی بە چەندین ڕووناک و بەیکداچونى ڕەنگەکان هەیە بۆ دیوارەکان، هەروەها ڕەنگی کەلوپەلەکان.

 

(لەgoogle وە)

تێکەڵکردنی ڕەنگی جۆراوجۆر بۆ دیکۆرەکان

شێوازی هەماهەنگی ڕەنگەکان لە دیکۆردا نموونەیەک لە هەندێک تێکەڵەی ڕەنگەکانت پیشان دەدات یەکێک لەو کێشە باوانەی کە لە کاتی هەڵبژاردنی دیکۆری ماڵەکەتدا ڕووبەڕووت دەبێتەوە بریتییە لە تێکەڵکردنی ڕەنگەکان،

 

(لەgoogle وە)

پێویستە ڕووبەرى ئەو ژوورە دیاری بکەیت کە بڕیارە دیکۆرەکەی تێدا ئەنجام بدرێت، ناکرێت ڕەنگی تۆخ هەڵبژێریت لەو ژوورانەی کە تەسکن و ڕووبەریان کەمە، بەڵام ئامۆژگاری دەکرێت ئاوێنە وەک دیکۆرێکی زۆر گونجاو بەکاربهێنیت کە یارمەتیت دەدات هەست بە فراوانی بکەیت.

 

هەماهەنگی ڕەنگەکان لە ڕازاندنەوەی ماڵدا

پێویستە کاتێک ڕەنگەکانی ناو دیکۆری ماڵ هەڵدەبژێریت هەندێک هۆکار لەبەرچاو بگریت، گرنگترینیان شێوازی هەماهەنگی ڕەنگەکانی ناو دیکۆرەکەیە، بۆت ڕوون دەکەینەوە:

 

ڕووبەر: باش نییە لە ژوورە بچوکەکەدا ڕەنگی تۆخ یان ڕێژەیەکى زۆر دیکۆر بەکاربهێنرێت بۆ ئەوەی بچوکتر و دڵتەنگ دەرنەکەوێت، پێویستە ڕەنگی کاڵ بەکاربهێنیت کە ڕووناکی دەداتەوە بۆ ئەوەی فراوانبوونی شوێن و ئاسوودەیی و ئارامی لە ژوورەکەدا پێببەخشێت .

ژوورەکە: هەر ژوورێک دیکۆری گونجاوی بۆ دانراوە، بۆیە زۆر کەس هەڵەیەکی گەورە دەکەن، ئەویش یەکخستنی دیکۆری ژوورەکانی هەموو ماڵەکەیە، ئەمەش دەبێتە هۆی دووبارەبوونەوە و بێزاری و وەڕسبوون هەر لەبەر ئەم هۆکارەشە ​​دەبێت هەر ژوورێک دیکۆرێکی جیاوازی هەبێت.

 لە لایەکی ترەوە تەنانەت ژووری منداڵان بە ڕەنگی گەش و دیکۆری بەیکداچوو، جگە لە ژووری میوان تایبەتمەندە.

کە دەبێت هاوتەریب و هاوئاهەنگ بێت لەگەڵ ڕەنگ و دیکۆرەکانی وەک پەردە و فەرش و ڕووناکی و ڕەنگی دیوار و زەوی و کەلوپەلی پێویست.

ڕەنگی مۆبیلیات: مۆبیلیات یەکێکە لەو پارچە یەکەم و گرنگانەی کە چاوت بۆ یەکەمجار دەکەوێتەسەرى لە هەر شوێنێکدا، پێش ئەوەی ڕەنگەکان هەماهەنگ بکەیت، پێویستە سەرەتا ڕەنگی مۆبیلیاتەکە هەڵبژێریت، دواتر ڕەنگەکانی تر هەڵبژێریت، چونکە ئاسانە ڕەنگی دیوار و دیوارەکان بە ئاسانی بگۆڕ. جگە لە مۆبیلیاتەکان ئەستەمە ڕەنگەکانی بگۆڕدرێت، پاش هەڵبژاردى مۆبیلیات ئینجا ڕەنگی بۆیاخی دیوارەکان دیاری دەکەین، پاشان کەلوپەل و فەرشەکان و پەردە،  لە کۆتاییدا نابێت چاوپۆشی لە ڕووناکی بکەین، زۆرگرنگە ڕووناکیەک هەڵبژێریت، کە بە ڕوونی ڕەنگەکان ڕوون بکاتەوە ڕەنگى ڕاستەقینەیان دەرخات، لە ڕووى دەروونیەوە ئاسوودە پێى بیت.

ڕەنگی دیوار: گرنگترین پرسیار کە پێش دەستکردن بە ئامادەکردنی ماڵەکەت ئەنجامی دەدەیت ئەو پرسیارەیە: چۆن ڕەنگی بۆیەی دیوار هەڵبژێرم؟

پێویستە ڕەنگی گونجاو بۆ زەوى و مۆبیلیات هەڵبژێریت، ئاگاداربە ڕەنگی بێلایەن گونجاوە لە زەویدا، ڕەنگی تۆخ و مامناوەندەش دەگونجێ، هەروەها لە سەقفشدا ڕەنگی کاڵ وەک سپی و بێجى و (ڕەنگى مۆبیلیات قاوەییەکى کاڵ).

ئەمە بکە بەیاسا پێش هەرشتێ ڕەنگى مۆبیلیات هەڵبژێرە دواتر ئەوانى ترى لەگەڵ بگونجێنە، لە شوێنە گەورەکاندا دەتوانیت ڕەنگی تۆخ هەڵبژێریت کێشەت نیە، بەڵام کاتێک شوێنەکە بەرتەسک بوو، بچووکبوو دەبێت ڕەنگى کاڵ ئەو ڕەنگانەى ڕووناکى دەدەنەوە شوێنە گەورەتر دەردەخەن، بۆیە دوای ئەوەی ڕەنگى زەوی و مۆبیلیاتەکان هەڵدەبژێرین، دواتر هەڵبژاردنی ئێمە بۆ ڕەنگی دیوارەکان دێت، کە دەبێت هاوئاهەنگ بن لەگەڵ یەکتر، هەروەها کەلوپەل و ئیکسسوارات، دیکۆر، فەرش و پەردە، بەو پێیەی ڕەنگە هاوسەنگەکان ئاسوودەیی دەروونی و تامێکی خۆش دەبەخشن

بیرۆکە بۆ هەماهەنگی ڕەنگی دیکۆرەکان بە وردى کارى لەسەر بکە، پەلەمەکە.

شێوازی هەماهەنگی ڕەنگەکان

لە دیکۆرەکاندا کۆمەڵێک بیرۆکەت پێدەبەخشین کە زۆر یارمەتیت دەدەن لە هەماهەنگی ڕەنگەکانی دیکۆرەکاندا کە گرنگترینیان بریتین لە:

 

زەوی

زەوی بە یەکێک لە بەشە جێگیرەکان و دیارترین بەشەکان دادەنرێت، و گۆڕینی زۆر قورسە، بۆیە وەک بەشی یەکەم هەڵدەبژێردرێت، دەبێت ئەم یاسایە جێبەجێ بکەیت، ڕێژەی سەدی ڕەنگی زاڵ  لە ژوورەکەدا زۆرجار ٦٠٪دەدرێت بەزەوى.

هەروەها بە ڕەنگی دیوارەکان و ڕێژەی سەدی ڕەنگی لاوەکی کە لە فەرش و مۆبیلیاتدا نیشان دەدرێت، ٣٠٪ دەدرێت، لە کاتێکدا ١٠٪ بە ڕەنگی تەواوکەر نیشان دەدرێت کە تەواوکەری ئیکسسواراتە بۆ دیکۆرەکان.

 

چەرخ یان بازنەى ڕەنگاوڕەنگ

دەبێت چەرخی هەماهەنگی ڕەنگەکان بەکاربهێنیت زۆر یارمەتیت دەدات بۆ ئەوەی هەماهەنگی لە نێوان ڕەنگەکاندا بکەیت، دەتوانیت لەنێوان دوو ڕیز لە تەنیشت یەکترەوە هەڵبژێریت، یان لە هەمان ڕیزدا هەڵبژێریت.

 

دیوارەکان

دەبێت ئەو ڕەنگانە هەڵبژێریت کە لەگەڵ زەویى و مۆبیلیاتدا بەشێوەیەکی زۆرباش دەگونجێت، بەو پێیەی یەکگرتوویی نێوان ڕەنگەکان یەکێکە لەو توخمە گرنگانەی کە ئاسوودەیی دەروونی بە شوێنەکە دەبەخشێت، بە لەبەرچاوگرتنی هەر ژوورێک بە جیا.

هەستەکانی پەیوەست بە ڕەنگەکان

ئەو ڕەنگانەی کە لە ڕێگەیانەوە دەتوانرێت پەیامی گرنگ بۆ نائاگایی بنێردرێت، وەک ڕەنگی سوور و زەرد نوێنەرایەتی هێزدەکەن، ڕەنگی شین هەستێکی فێنکایی و ئارامی دەبەخشێت، ڕەنگی سەوزیش نوێنەرایەتی دار و ڕووەک و ئارامیی دەروونی دەکات.

دەبێت لە ڕێگەی ڕەنگەکانەوە هاوسەنگی دروست بکەیت، بۆیە دەتوانیت بۆ ژووری منداڵان ئەو ڕەنگانە هەڵبژێریت کە چالاکیی و هێز دەبەخشن، بە پێچەوانەی ژووری نووستن، باشترە ڕەنگی ئارام بەکاربهێنیت.

ڕەنگە بێدەنگەکان

دەتوانیت ئەو ڕەنگانە هەڵبژێریت کە پاستێل و (لاف وایت) گروپى سپیەکانە، هەموو ئەم ڕەنگانە کاریگەرییەکی ئارام دەبەخشن، هەروەها دەتوانیت مۆبیلیاتەکان هەڵبژێریت کە ڕەنگی بەیکداچووەکانیان(متدخلة) هەبێت بۆ ئەوەی ئارامییەکە بشکێنیت.

دەست لێدانی کۆتایی

یەکێک لە گرنگترین هەنگاوەکان بۆ یەکخستنی دیکۆرەکە، کە بە ڕەنگی ئیکسسوارات و فەرشەکان نوێنەرایەتی دەکرێت، دانانی (تمپڵ لامپ)ى گونجاوە، هەڵبژاردنی ئەو فەرشەیە کە لەگەڵ ڕەنگەکان و بەشەکانی تر و ڕووناکی ژوورەکە بگونجێت. هەر لەبارەى دیزاینى ناوەوە دەکرێت سوود لە بابەتى پێشومان بنەماکانى دیزانى چێشتخانە.دەکرێت سوود لەم بابەتە وەرگری