زینک چۆن زۆرێک لە کێشەکانی پێست و قژ چارەسەر دەکات؟

 زینک چۆن زۆرێک لە کێشەکانی پێست و قژ چارەسەر دەکات؟

 

form google

زینک دژ بەرگریدەکات دژ بە درووستبونى کڕێش

زینک یەکێکە لەو توخمە کانزاییە خۆراکیانەی کە چارەسەر بۆ کۆمەڵێک کێشەی پێست و قژ دابین دەکات. زانیاری لەسەر تایبەتمەندی و سوودەکانی لە بواری جوانکاریدا وەربگرە، لە شێوەی تەواوکەری خۆراکدا بیخۆ، و لە خۆراک و بەرهەمەکانی چاودێری پێستدا بەدوایدا بگەڕێ.

 

زینک بە ڕێژەیەکی کەم لە جەستەدا هەیە، بەڵام کاریگەرییەکەی زۆرە، بەو پێیەی کاریگەری لەسەر ٢٠٠ لە ئەنزیمەکانی جەستە دەبێت. بەشدارە لە دروستبوونی DNA و بەرگری لەش چالاک دەکات و هۆرمۆنەکانی غودەی دەرەقی ڕێکدەخات و یارمەتیدەرە بۆ شیکردنەوەی پرۆتینەکان و پاراستنی ئەرکە هەستیارەکان. ئەمەش جگە لەوەی بە شێوەیەکی کاریگەر بەشداری دەکات لە پاراستنی تەندروستی و جوانی پێست و قژ.

 

زینک شانبەشانی کرێمەکانی چارەسەرکردنی پێست بەکاردێتform google

 

 کاریگەری دژە زیپکە form google

کاریگەری دژە زیپکە

زینک کرداری دژە بەکتریا و دژە هەوکردنی هەیە، ئەمەش وایکردووە هاوپەیمانێکی ئایدیاڵ بێت بۆ خۆپاراستن لە زیپکە و ڕێکخستنی دەردانی چەوری. یارمەتی چاکبوونەوەی پەڵە دەدات بەهۆی بەشداریکردنی لە دووبارە دروستبوونەوەی پێست و چارەسەرکردنی زیپکە، هەروەها ڕێگری دەکات لە دەرکەوتنی شوێنەواری زیپکە.

 پزیشکانی پزیشکی پێست دووپاتی دەکەنەوە کە زینک یەکێکە لە چارەسەرە ئایدیاڵەکان بۆ زیپکەی مامناوەند و توند، بەو پێیەی دەردانی چەوری کەم دەکاتەوە و ڕێگری لە دەرکەوتنی هەوکردن دەکات، لە حاڵەتە توندەکانی زیپکەدا زینک توخمێکی تەواوکەرە کە دەبێت لەگەڵ چارەسەرەکانی تردا تێکەڵبکرێت، لەوانە کرێمی دەرمانی و... دەرمانی دژە هەوکردن، بە مەرجێک چارەسەرەکە تەواو بووبێت لەم حاڵەتەدا، لە ژێر چاودێری پزیشکدا.

 هەروەها زینک ڕۆڵێکی زۆر کاریگەر دەگێڕێت لە ڕاگرتنی پێستی ڕوون لە خانمانی دووگیاندا، بەتایبەتی کاتێک گۆڕانی هۆرمۆنەکان دەبێتە هۆی دروستبوونی زیپکە لەناکاو. لەم حاڵەتەدا زینک وەک چارەسەرێکی سەلامەت بەکاردێت بۆ نەهێشتنی زیپکە لەبری چارەسەری توند کە بەکارهێنان لە کاتی دووگیانیدا قەدەغەیە بەهۆی کاریگەری نەرێنی لەسەر کۆرپەلە.

 

زینک زیندوویی پێست بەرز دەکاتەوە       form google

کاریگەری زیندووکردنەوەی پێست

سوودەکانی زینک بۆ پێست تەنها بە ڕێگریکردن لە بریقە و چەوری و زیپکە سنوردار نییە، بەو پێیەی کاریگەری دژە ئۆکسانی هەیە کە بەشدارە لە پاراستنی زیندوویی پێست و بەرەنگاربوونەوەی ڕەگە ئازادەکان دەکات کە بەرپرسن لە فشاری ئۆکسجین و پیربوونی پێشوەختەی… پێست. هەموو ئەمانە زینک دەکاتە پێکهاتەیەکی سەرەکی بۆ باشترکردنی کوالێتی پێست و پاراستنی نەرمی و توندوتۆڵى و گەنجییەکەی. زۆرجار زینک لەگەڵ کانزایەکی تری خۆراکیدا تێکەڵ دەکرێت کە سیلینیۆمە، کە بەشدارە لە پاراستنی خانەکان لە فشاری ئۆکسجینی.

  

 

سوودەکانی زینک لەسەر قژ   form google

سوودەکانی زینک لەسەر قژ

سوودە جوانکارییەکانی زینک لە چاودێریکردنی پێستدا ناوەستێت، بەڵکو درێژدەبێتەوە بۆ چاودێریکردنی قژ، بەتایبەتی کاتێک ماندوو و تێکشکاو و بێ ڕەونەقبوبێت. میکانیزمی بەرهەمهێنانی کیراتین و کۆلاجین چالاک دەکات، واتە ئەو پرۆتینانەی کە ڕیشاڵی قژ پێکدەهێنن، کە ڕۆڵیان هەیە لە گەشەکردن و نەرمی و بەرگری لە بەرامبەر شەڕانگێزی دەرەکیدا.

 هەروەها زینک بەشدارە لە ڕێکخستنی دەردانی چەوری پێستی سەر و بەرەنگاربوونەوەی ڕیشاڵی چەور. ڕۆڵی دژە کەڕووى هەیە، هەر بۆیە لە زۆرێک لە شامپۆکانی دژە کڕێشدا هەیە.

 

لە کوێ دەیدۆزیتەوە؟

زینک بە شێوەیەکی باو لە خواردنە دەریاییەکان، گۆشتی گوێرەکە، ڕیشاڵى گەنم، دانەوێڵەی تەواو و کونجیدا هەیە. شایەنی باسە جەستەمان زینک لە سەرچاوە ئاژەڵییەکان باشتر هەڵدەمژێت وەک لەو زینکەى لە سەرچاوە ڕووەکییەکان دەستدەکەوێت. بۆیە ئامۆژگاری ئەو کەسانە دەکرێت کە پشت بە خۆراکی ڕووەکی دەبەستن، قەرەبووی کەمی ئەم بوارە بکەنەوە بە خواردنی زینک لە شێوەی تەواوکەری خۆراکدا. پابەندبن بە ژەمە پێشنیار کراوەکان لەم بوارەدا بۆ ئەوەی دوور بکەونەوە لە هەر ئاڵۆزییەک کە ڕەنگە لە شێوەی تێکچوونی هەرس و کەمی بەرگریدا درووست بێت. پزیشکان ڕێنمایی دەدەن کە ڕۆژانە خواردنی زینک لە 12 میلیگرام بۆ پیاوان و 10 میلیگرام بۆ ئافرەتان زیاتر نەبێت، لە کاتێکدا ئەم ڕێژەیە لە نێوان 15 بۆ 23 میلیگرامە لە ڕۆژێکدا بۆ ئافرەتانی دووگیان و شیردەر و بەساڵاچووان. هەروەها دەتوانرێت زینک لە پێکهاتەی کرێمی جوانکاریدا جێگیر بکرێت کە ڕاستەوخۆ دەدرێت لە سەر پێست، بەو پێیەی کاردەکات بۆ پاککردنەوەی و چارەسەرکردنی پیسیەکانی بۆ گەڕاندنەوەی تازەیی و درەوشاوەیی زیاتر بخوێنەرەوە .