٤ خووی جیاوازی مرۆڤی دڵخۆشەکان

 

زۆر کەس ناچارن ڕۆژانە بڕیار بدەن بەهۆی بارودۆخێکەوە کە لەدەرەوەی کۆنترۆڵی خۆیانە، وەک خراپی کەش و هەوا، کاتەکانی تەنگانە، یان ڕێکخستنی بۆنەیەکی بەکۆمەڵ لە شوێنێکی سەر ڕێگاکەت، کە ڕووداوی بەپەلەن کە کەسەکە ڕاستەوخۆ بەرپرسیار نییە لێی.

 بەڵام ئەوەی مرۆڤ بەرپرسیارە و دەتوانێت کۆنتڕۆڵی بکات، بەپێی ڕاپۆرتێک کە لەلایەن “Inc.” بڵاوکراوەتەوە، هەڵبژاردنی کاردانەوەیە بەرامبەر بە ژینگەکەی و ئەو کەسانەی تێیدایە. بە واتایەکی تر هەڵبژاردنی بڕیاری ژیرانە.

 

 

  

مرۆڤە دڵخۆشەکان گەمژە نین. ئەوان بەوپەڕی چاوەڕوانییەوە چاوەڕوانی سەرکەوتنی زیاترن، چونکە ڕۆژانە هەڵبژاردەی باشدەکەن، گرنگ نییە ژیان چ کێشە و بەرزى ونزمى فڕێدەداتە سەر ڕێگایان. مرۆڤ دەتوانێت سوود لە هەندێک لەم بیرۆکانە وەربگرێت و بیخاتە بواری جێبەجێکردنەوە بۆ ئەوەی دڵخۆش بێت:

1ـ وازهێنان لە ڕابردوو:

ئەگەر کەسێک هێشتا تووڕە بێت بەهۆی بڕیارێکی خراپەوە کە چەند هەفتەیەک لەمەوبەر داوویەتی، ئەوا ڕێگای دەروونی هەڵە هەڵدەبژێرێت. لەمبارەیەوە باربارا کۆرکۆران، ڕۆژنامەنووس و ژنە بازرگانی ناودار دەڵێت، جیاوازی نێوان کەسانی سەرکەوتوو و کەسانی دیکە ئەوەیە کە کاتێکى زۆر بەسەر دەبەن بە بەزەییهاتنەوە بە خۆیاندا.

 مرۆڤ دەبێت شکست لە بازرگانی و لە ژیاندا وەک بەشێک لە پرۆسەی فێربوون قبوڵ بکات. پێویستە لە هەڵەکانی فێربێت و وانەکانی ڕابردوو وەک یادگاری ڕابردوو مامەڵەی لەگەڵدا بکات و بەردەوام بچێتە پێشەوە. ئەوەش ئەوکارەیە کە کەسانی دڵخۆش و خۆڕاگر و سەرکەوتوو دەیکەن.

 

2. هاوڕێیەتى کەسانی دڵخۆش و گەشبین:

مرۆڤ پێویستە بەدوای پەیوەندی کارکردندا بگەڕێت لەگەڵ کەسانی ئەرێنی، کە بەگشتی مرۆڤن، کە بەردەوام دەبن لە کارەکانیان و ناچنە ناو بیری نەرێنی. لە کاتێکدا هاوکارە نەرێنییەکان گلەیی لە شتە بێ بایەخەکاندەکەن و کاتەکانیان بەفیڕۆدەدەن بە قسەکردن لەسەر کەسانی دیکە، هاوکارە ئەرێنییەکان پێشوەختە بیر لەوەدەکەنەوە کە چۆن دۆخێکی خراپ باشتربکەن، بەرپرسیارێتی کارەکانیان لە ئەستۆبگرن و بەرەو بەشداریکردن لە چارەسەرکردنی کێشە ڕێکخراوەییەکان هەنگاو دەنێن.

 

3. ژیانێکی سادە و ئارام بژی:

دونیا پڕە لە ململانێ و دووبەرەکی. سۆشیال میدیا تەنها ئەو قسە گەورەتر دەکات کە بەکارهێنەران بە ئایدۆلۆژیای چەپ و ڕاست سەرکۆنە ئەو کەسانەدەکەن کە لەگەڵیانا هاوڕا نین، تاوانبار دەکات. ئەگەر بە سادەیی بڵێین، نابێت مرۆڤ بخرێتە ناو گێژەڵوکەی ناخۆشی کەسانی دیکەوە. بەڵکو دەتوانێت هەڵبژێرێت کە بە ئاشتی لەگەڵ خۆی و کەسانی دیکەدا بژی، تەنانەت ئەگەر دۆخی ئێستای ئایدیاڵترین سیناریۆ نەبێت بۆی.

هەڵبژاردنی ئاشتی و هاوئاهەنگ بوون لەگەڵ دۆخی ئێستا یارمەتیدەرە بۆ مانەوەت لە سەرنج و هەنگاونان بۆ پێشەوە و دەستپێکردن گەشەکردن کاتێک دەرفەتەکە گونجاوە. ئاشتی ڕێگری دەکات لە کەوتنە ناو تەڵەى گەیشتن بە ئامانجە گەورەکان یان تەماحە گەورەکان کە لە ئاستى تۆدانیە و مێشکت سەرقاڵدەکات توشى خەمۆکیتدەکات. ئاشتی واتە گرنگیدان بە کاروباری خۆی، خۆ بەراورد نەکردن بە کەسانی تر و هەموو ڕۆژێک دەربڕینى سوپاسگوزاری ئەو نیعمەتانەی کە هەیەتی.

 

4. چێژ لە ژیان وەربگرە بە تەواوی:

ئەوەی دەتوانرێت فێری بێت بە مانەوە لە نزیک ئەو کەسانەی کە بەڕاستی خۆشی دەردەبڕن و دڵخۆشن بەژیانیان، ئەوەیە کە ئەوان ژیانیان هەڵبژاردوە هەوڵدەدەن بەتەواوەتى چێژوەرگرن لە ژیانیان. مرۆڤ بتوانێت دان بەوەدا بنێت یان نا، ئەمانە کەسانی زۆر خۆشەویستن و دەربڕینی خۆشبەختییان گۆڕانکارییەکی ئەرێنی لە ژیانی ئەوانی دیکەدا دروست دەکات. هەروەها خۆکارانە ئیلهام دەدەن بۆ تێپەڕاندنی سەختییەکان و گەیشتن بە ئامانجەکان. مانەوە لە نزیکیان هەستی بەختەوەریت تووش دەکات. زیاتر بخوێنەرەوە