دارچین؛ هاوڕێیەکی سروشتی بۆ نەخۆشانی شەکرە و پەستانی خوێن

دارچین تەنها بەهاراتێکی خۆشبۆن نییە لە چێشتخانەکاندا، بەڵکو بۆ هەزاران ساڵە وەک دەرمانێکی سروشتی لە پزیشکی فۆلکلۆردا بەکاردێت. توێژینەوە نوێیەکان دەریانخستووە کە دارچین کاریگەرییەکی ئەرێنی بەرچاوی هەیە لەسەر کۆنترۆڵکردنی نەخۆشی شەکرە و ڕێکخستنی پەستانی خوێن. جگە لەوەى سەرچوەیەکى زۆر گرنگە بۆ ئاسن، کە ڕێژەیەکى بەرزى تێدایە.

 

دارچین و ڕێکخستنی شەکری خوێن

نەخۆشی شەکرە کاتێک ڕوودەدات کە ئاستی گلوکۆز لە خوێندا بەرز دەبێتەوە، کە ئەگەر کۆنترۆڵ نەکرێت زیان بە دڵ، گورچیلە و دەمارەکان دەگەیەنێت. دارچین بەم شێوەیانە یارمەتیدەرە:

１.                        دابەزاندنی شەکر دوای ژەمەکان: توێژینەوەکان دەری دەخەن خواردنی نزیکەی ٦ گرام دارچین دەبێتە هۆی خاوکردنەوەی بەتاڵبوونی گەدە، ئەمەش وا دەکات ئاستی شەکری خوێن دوای نانخواردن بە کتوپڕی بەرز نەبێتەوە. ٢. باشترکردنی هیمۆگلۆبینی گلایکەیت (HbA1c): تاقیکردنەوەیەک لەسەر ١٠٩ نەخۆش دەریخستووە کە وەرگرتنی ١ گرام دارچین ڕۆژانە بۆ ماوەی ٩٠ ڕۆژ، بە شێوەیەکی بەرچاو ئاستی شەکری سێ مانگی (HbA1c) دادەبەزێنێت.

 

پاراستنی پەستانی خوێن

دارچین تەنها بۆ شەکرە نییە؛ بەڵکو سوودی بۆ ئەو کەسانەش هەیە کە بەدەست بەرزی فشاری خوێنەوە دەناڵێنن:

• دابەزاندنی پەستانی سیستۆلیک و دیاستۆلیک: خواردنی دارچین بە شێوەیەکی ڕێک و پێک یارمەتی کەمکردنەوەی فشاری سەر خوێنبەرەکان دەدات. هەرچەندە میکانیزمە زانستییەکە هێشتا لەژێر توێژینەوەدایە، بەڵام دەرەنجامەکان ئومێدبەخشن.

 

چارەسەری نیشانەکانی "کۆنیشانەی میتابۆلیک"

دارچین و پێکهاتە چالاکەکانی وەک "گەنجینەیەک" وان بۆ بەرەنگاربوونەوەی نەخۆشییە میتابۆلیکەکان. ئەم بەهاراتە یارمەتی باشترکردنی ئەم لایەنانە دەدات:

• کەمکردنەوەی کۆلیسترۆڵی خراپ.
• بەرەنگاربوونەوەی قەڵەوی و یارمەتیدان لە دابەزاندنی کێش.
• پاراستنی دڵ و خوێنبەرەکان بەهۆی هەبوونی دژە ئۆکسێنەر و دژە هەوکردنی بەهێز.

 

ئامۆژگاری "ڕازان":

دارچین بەهاراتێکی بێهاوتایە، بەڵام وەک هەر چارەسەرێکی تری سروشتی، نابێت جێگەی دەرمانە سەرەکییەکان بگرێتەوە. هەمیشە پێش گۆڕینی سیستەمی خۆراکت یان بەکارهێنانی دارچین وەک چارەسەر بە بڕی زۆر، ڕاوێژ بە پزیشکەکەت بکە بۆ ئەوەی لە هەر کارلێکێکی نەرێنی دوور بیت..  دەتوانى سوو لەم بابەتەش وەرگریت (سوودەکانى خواردنى شمڵى بۆ خانمان)